Доалахьара боахам дикагIа лелабеча ГIалгIайчен бахархой цIераш яьхар
В Ингушетии определены итоги регионального конкурса, который проводился среди жителей региона, занимающихся натуральным хозяйством на личных подворьях.
Хьалхара моттиг яьккхар Пхьиденаькъан РапиIата, из яхаш я ДаьттагIа оалача юрта.
Хамхой Iашата шоллагIа моттиг яьккхар, из я Эбарг-Юртара.
КхоалагIа моттиг Назране яхача Джандиганаькъан ПаьтIамата яьккхар.
Правительственни комиссе хIаране боахамера хьал а дайза, доаггIача бесса тахка, конкурсах долча хьалашка хьежа белгалбир доакъашхой моттигашца. Деррига тахкачул тIехьагIа 13 дикагIа вола боахамхо хьахаржар. Цу юкъе геттара толажагIа барех, кхоъ хержар.
Хоам бу, котваьнначунна 1 млн. сом ахча лургда, иштта 500 эзар сом а 300 эзар сом а дала оттадаьд.
Цул совгIа, цхьа иттех сага, дика боахам лелабеш хиларах лаьрхIа 50 эзар сом лургда.
Эксперташа яхачох, цу тайпара наха юкъе дIайихьача, конкурсо безам тIабохийтаргба дIахо а, дукхача вай бахархой шоай доалахьара боахам лелабе, къахьегама тIера хила.
