ГIалгIайче, ахчеи мах бола хIамашеи йихьар бехктокхаме эзар
Прокуратурой Назрановского района республики поддержано государственное обвинение по уголовному делу в отношении 18-летнего местного жителя. Молодой человек обвиняется в тайном хищении чужого имущества в крупном размере, с незаконным проникновением в жилище.
Из саг бехке ву наьха цIагIа чу а ваьнна, тийшача балхах цо хIамаш лочкъаярах.
Судо оттадир, 2021 шера, бекарга бетта I-ча дийнахьа, бийсана ший гаргарча сага, корах чу а ваьнна, цо сейф йихьа хилар.
Йоккха йоацача аьшкан сейфа чу хиннад ахчеи, мах бола хIамашеи, деррига а 976 эзар сома маьха.
Цу моттигера дIагаьна а ваьнна, зуламхочо чура ахчеи хIамаши а хьа а яьха сейф йоагаяьй. Уж, ший цIен бада тIа дIакъайлаяьхай цо. Цхьабакъда шийна хеттача бесса уж дIа-юха яха а йохка а кхийнадац.
Бокъонаш лораеча Iаьдала болхлоша шоай болх дика вIашагIболларах, массехк ха яьлча гучадаьлар уж цо йихьа хилар.
Назранерча районни судо яьча кхелах, из гаргара саг хилар а, йихьа хIамаш йолчча бесса юха ялар а дIа а лаьрхIа, цхьа шу, ах шу бехкама ха техар цунна.
