Судо оттадаьд, из дIадахача шера ахкана замах, «Шолжа» яхача машенаш йохкача базар тIа дIабихьача «Проверочная закупка» оалача оперативни - тохкама балха тIехьа, 300 сома маьха 0,5 литр корта бохабу малар чудола шуша йохкаш гучаваьнна хилар.

Шуша тIа даьллача каьхата тIа яздаьдар «С серебром» яха дешаш.

Из маIсаг хьа а лаьца «Шолжерча» Россе МВД МО хьачувоалавир, цига цунна зулам даь хиларах дола уголовни гIулакх хьадоладир, сага зе далара кхерам бола, корта бохабу малар цо дехка хиларах. Цул совгIа, полице отдела болхлочунна 12 эзар сом дала дагахьа хьайзар из.

Из деррига тIахьожаме леладаьча Iаьдала болхлоша, цо ахча дIадаларца, из хьалаьцар.

Мировой судхочо яьча кхелах, цунна корта мукъале йоаца набахтен ха техай цхьа шу, цу юкъе бехктокхаме озара ши шу ха а йолаш.