Цу тоаба кертте латтараш ба Цхьорой Ахьмад, Къоастой Ахьмад. Цу юкъебоагIа юртбоахама министра гIонча Албаканаькъан Мухажир, министра гIонча Къоастой Ахьмад, кхачана министра гIонча Чопанаькъан Мувса, аграрни боахама экономика отдела керттера говзанча Къоастой Аьсет, Халкъа Гуллама депутат Хамхой Батыр, «Единая Россия» парте доакъашхо Исмейланаькъан Абабукар.

Цу тайпара тоаба вIашагIйоллар маIан дар, йохкача продукце маьхаш боаггIача боарамах хургдолаш, иштта, кхачана дикал лакха латтаргйолаш.

ВIашагIкхетаре белгалдир, бахача наьха, маьха чухьнахьа кхачана продукци эца йиш хургйолаш, юртбоахама ярмаркаш дIаяхьа еза, аьнна. Базара кулгалхошца дувца лаьрхIад, моттигерча юртбоахамий продукци, ший маьхах нахага йохкара, тIехьар тIа моттигаш хилийта аьнна.

Оаха республика базарашка йохкача продукце дикалга а маьхашка хьожаш а болх дIахьоргба. Тхоашта хьалхашка оттадаь декхараш оаха лоаццача хана кхоачаш а дергда, — аьлар Къоастой Ахьмада.