Керда фусамхой даькъал бувца а, 40- дезал, баьча балха хьал довза а укхаза вера ГIалгIайчен кулгалхо вола Келматанаькъан Махьмуд-Iаьла, -аьнна хоам бу "Сердало газетага региона кулгахочун пресс- служба.

Тиша цIа дIа а даьккха, 5- гIат дола цIа хьалде лаьрхадар проектах.

ГIишлой компанеша декхараш кхоачаш ца дарах, 2019 ш. Арбитражни судо дукхача гIатах йолча гIишлон болх соцабир. ХIаьта гIишлох дукхача ханий гIишло а хилар.

2021 ш. региона кулгалхоша, кхоачам боацараш дIа а даха инвесторага гIолла, гIишло хьалъяр чаккхдаьккхар.

Карарча хана деррига белхаш кхоачашдаьд, цIа МагIалбика администраце балансе дIаденнад, нах шо-шоай фусамашка чуховшаш ба.

Мехка кулгалхочо, фусамий дIоагIаш дIалуш белгалдир, подрядчикий бехках яр лоахIме хIама кхоачаш ца хулаш гаьнадалар.

Керда, укх урамах, Базоркина −56 хьалде дезача, 36- фусамерча цIеной фусамхошца къамаь хилар региона кулгалхочун.

Укхаза а хьалха санн халонаш эттар, бакъда 99% балхаш кхоачашдаьд, хIаьта хIанз цIа караэцара документаш кийчдеш да.

Мехка кулгалхочунца дагабовлар хилар бахархй. Хана боккхагIа болчара дийхар шоашта гIишлонна хьалхара гIат далар. Мехка кулгалхочо Келматанаькъан Махьмуд -Iаьлас декхарийла бир бехктокхаме бараш, бахархой хьашташ кхоачашде.

Фусам дIакхачийтара болх хала бар. Ювцача программах дола 8- цIа (76 фусам) аварийни дар, цу чу вахар 380 саг. Цанна лаьрхIа дар ши цIа- 6385 кв. м. доазон боарам а болаш.

Эксперташа яхачох, бахархошта керда фусамаш ялар, ший чаккхенга кхоачаш латт.