ГӀалгӀай къаман
юкъара газет

Новости


«Даьхен лорабой» яхача ганза мехкарча филиале кхетаче хилар

«Даьхен лорабой» яхача ганза мехкарча филиале кхетаче хилар

«Даьхен лорабой» яхача ганза мехкарча филиале дӏайихьача кхетаче дийцар тӏема операце доакъашхошта, иштта цар дезалашта гӏо лоаттадарах, терко еш хиларах. Филиала хьалха латтача Абаьданаькъан Ислама кулгал деш, дӏаяхар кхетаче.

Цу кхетаче дакъа лаца гулбеннараш бар вай мехкарча СВО ветераний Ассоциацена кулгал ду Галай Руслан, «Тӏем тӏара доттагӏал» яхача моттигерча оагӏон хьалха латта Бохтаранаькъан Батыр, Даьхен бӏухой дезалий Комитета штаба кулгалхо Шутуранаькъан Мухьмад, Къаман фронта кулгалхо Баркинхой Ахьмад, «Цхьоагӏо» яхача гӏо деча ганза хьалха латта Цӏечой Бекмакрза.

Кхетаче дийцарашта юкъе керттера моттиг дӏалоацаш хиннараш, тӏема операце бӏухой оагӏув хьаллацарца дувзаденна дар. СВО хӏара ветерана, цар дезалашта новкъостал лоаттадар тахан керттерча гӏулакхех долга белгалдир гулбеннараша, иштта цу оагӏонца дӏабихьача балхах, карагӏдаьннарех а дийцар цар.

Ураотташ латтача къонабарий дегашка Даьхенцара безам чӏоагӏбеш болх лоаттабе безилга белгалдир цига. СВО бӏухой цу гӏулакха юкъе дакъа лоацаш хилар лоархӏаме да.

Вӏаший бувзам лоаттабеш, дӏахойодача хана а цу оагӏонцара декхараш кхоачашдара тӏехьа тӏатеӏӏа къахьега дезилга теркалдир хьакимаша. Тайп-тайпарча оагӏонашцара къахьегамхой юкъе болаш, тоаба вӏашагӏйолла еза, кхоачашде дезараш хьалххе белгалдаь къоастадаь хила деза.

«Даьхен лорабой» яхача ганзо, иштта кхыйолча мехкарча моттигаша цхьа барт кхеташ, вӏаший бувзаме болаш къахьегарца, дикагӏа аьттув хургба лоархӏамедараш боаггӏача боараме кхоачашде.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх