«Инде ӏадатий ди» яха фестиваль дӏайихьар Гӏалгӏай паччахьалкхен университете
Магасерча паччахьалкхен университете «Инде ӏадатий ди» оала фестиваль дӏайихьар. Цу мехкарча студенташа вӏашагӏъеллача кхетачено инде культуран моттиг хьаяьяр университетах. Шоай къаман дувхар дийха, начӏал гойташ бар студенташ. Сари, дхоти йийха кийчбеннача царга хьожаш бар гулбенна хиннараш, геттара дог айденна.
«Кулгкара хьадаьча Инде дувхаро цецбаьхабар берригаш. Арахьара хьатӏабаьхкача ИнгГУ дешаш болча студенташа чӏоагӏа къахьег шоай культура, культураца дувзаденнараш довзийта хьожаш. Къаман ӏадаташца, оамалашца дувзаденнараш довзийташ йола моттиг хул; иштта йолча фестивалах. Студенташа хьагойтар; цӏенна, мехка гаьна болаш; дика деша а, кхыбарашца бартаца, безамца баха а йиш йолга», - дийцар «Сердалога» ИнгГУ зарбан болх лелабераша.
Инде культура яйзар цу дийнахьа гулбеннарашта. Массане дог айдеш, фестиваль хилар цох; студенташа дикка къахьегарах.
