Южни яхача гӀалгӀай юрта, кӀимарса бетта хьалхара берий беш хьаелларгья
09.06.2025 23:16
МагӀалбика кхален Южне хьалъеш латта хьалхара берий беш йистеяла йоалл, из лаьрхӀа я 120 бера, яхаш, хоам бу «Сердало» газетага доал деча даькъ тӀара.
Хоамо яхачох, из йистеяккха езаш яр, ер чу чакхдоалаш. Бакъда, даь даьннача балхашка хьежача, гуш да кӀимарса бетта из яргйолга.
«ХӀанз цу гӀишлон чура балхаш деш, гонахьара доазув тоадеш да. Ламинат Ӏодиллад, кафель техай, уж балхаш 100% йистедаьннад. Кастлуш, чура гӀирс а мебель а дӀаоттае болалургба, хӀаьта коара балхаш а 70% йистедаьннад», - аьлар МагӀалбика кхален администраце.
Из берий беш хьалъеш я, «Юртара доазонаш тоадар» яхача паччахьалкхен программа чуйоагӀаш.
