Калининграде дарба деш вола Гӏалгӏайчен бӏухо волча бахар
Калининграде дарба деш волча, новкъосташа «Сава» оалача Гӏалгӏайчен бӏухочунна тӏехьабахар. Цун оагӏув хьаллаца бахабар Калининградерча Гӏалгӏай къаман культуран автономе кулгалхо Ваделанаькъан Саламхан, Гурьевски кауран администраце вахара хаттарий урхаллен кулгалхо Рощанская Юлия. Из тӏем тӏа чов яьчул тӏехьагӏа укхаза дарба деш ва Балтийски форда тӏема клинически госпитале.
«Цу хана гучадаьлар, бӏухочун ши воӏ дӏадахача шера Калининградски областе вена хилар «Турпалхой бераш: Боккха мохк» яхача моттигашта юкъерча проекта чудоагӏаш. Цу проекто вӏашагӏтехар Гӏалгӏайчен, Гурьевски куран СВО доакъашхой дезал: Калининграда областера бераш вай республике хьоашал даьхка хилар, цул тӏехьагӏа Гӏалгӏайчера бераш Балтике дахар. Бӏухочо баркал аьлар иштта ший берашта терко лоаттаеш хиларах», - дийцар «Сердало» газетага Гӏалгӏайчен Миннаце.
Бӏухочо белгалдир, Даьхе лораеш латтача бӏухошта мел лоархӏаме да цӏагӏара деш дола новкъостал. Цо иштта хьоахадир, бӏухой тӏема мугӏарашка шоай декхар кхоачашдеш болча хана, цӏагӏара а чӏоагӏа кӏийле хилар, шоаш болча моттигашка декхар сий долаш кхоачашдеш хилар хоалуш да. Цо доккха баркал аьлар, иштта бӏухой дезалашта терко лоаттаеш хиларах.
