Тӏой-Юртарча №1 йолча ишколе кхерамзленах йола лекци йийшар
Мехкахбаьхача наьха Мемориальни комплексе болх беш йола Аджинаькъан Мадина Тӏой-Юртарча №1 йолча ишколе терроризм, экстремизм яхача доккхача зуламашта духьалара лекци дӏахьош хилар дешархошца.
«Кхувш латтарашта хьалхадаьккхар, терроризм, экстремизм яхача бӏехача зулама никъ хоадабеш хила везилга, адамашта юкъе цхьаккха тайпара даржийта йиш йоацарех из долга. Иштта берашка дийцар интернета оагӏонашка гӏолла дунен хӏама довза кхенза бола къонабараш тувлбе, кегабе гӏертача зуламхошка ладувгӏа, царца цхьаккха тайпара бувзам лелабе йиш йоацилга» - из хоам «Сердалога» бир мехкарча МКЖР.
Деррига цар дикагӏа кхетадергдолаш видеоролик хьекхар берашка. Моллагӏа тешаме ца хета хӏама вахаре, е интернета оагӏонашка шоаш теркалдича, ӏалаьмате чехка ӏаьдала болхлошка хоам бе безилга хьалхадаьккхар дешархошта. Белгалде деза, иштта йола кхетаченаш къонача тӏехьенца дӏакхахьар лоархӏаме долга.
