Илдарха-ГӀалий тӀара тока хьал меттаоттадеш, болх дӀаболабаьб

Илдарха-ГӀалий тӀа къаьнара трансформатораш дӀайоахаш, царна когаметта дикка чӀоагӀагӀъяраш оттаеш боахк тахан. Шахьарера тока моттигаш тоаеш, дӀахьош болх ба из. Берашта ловза къоастадаьча доазон тӀа керда лампаш ехкай, иштта шахьарера тайп-тайпарча моттигашка сердал хургйола хувцамаш даьд. Шахьара администраци я «Сердалога» из хоам бер.
400 кВа низ болча трансформатораша дикача оагӀорахьа тоадаьд урамашкара хьал. Массайолча моттигашка хӀанз боаггӀача боараме сердал латт. Из тахка араваьнна хилар шахьара да Дидиганаькъан Ахьмад.
Иштта из ваха хилар 250 кВа йола трансформатор оттае кийчо еча шахьара 4-ча зӀамигача кхален Толстой цӀерах болча ураме.