Илдарха-Гӏалий тӏарча вахархочоа ца доагӏаш газах ӏотӏаяздаь ахча тӏера дӏадаьккхар
24.06.2026 16:49
Шахьарерча Шоссейни оалача ураме вахача сага бокъо йоацаш газах ӏотӏаяздаь хинна декхар тӏера дӏадоаккхаш къахьийгар, Илдарха-Гӏалий тӏарча прокуратуре.
«Шахьарерча прокуратуре из гӏулакх тохкаш болх дӏабихьар. Гучадаьлар, 2023-ча шера наджгоанцхой беттагара 2026-ча шера маьтсела беттага кхаччалца йолча хана; цу сага, бокъо йоацаш, ӏотӏаяздаь латтар 270 эзар сом ахча долга. Ахча ӏотӏаяздар «нормативага» гӏолла хиннад, цу гӏулакхех болча гӏирсага ца хьожаш», - дийцар тха газетага.
Газа гӏулакхех болча оагӏон кулгалхочунца бувзаме баьнна, бокъо йоацаш ӏотӏаяздаь хинна декхар тӏера дӏадаккхийтар прокуратуран болхлоша.
