704 бера моттигаш луш йола гимнази 2008-ча шера хьалъяьй. Цу юкъа гӀишло дикка кулг тоха дезача кхаьчай, тока саьргаш, цӀи яьлча хоам беш йола сигнализаци а хувца езача хьале этта дикка ха я.

Карарча хана тӀатеӀӀа къахьегаш боахк цига болхлой. КхоалагӀча гӀата тӀара кораш, наӀараш хувцаш латт. Де дезараш дукха да, цунга хьежжа, керда дешара шу кхачалехьа йисте баьнна хила безаш ба беррига болх.

«Ишколаш тоаяра духьа оттаяьча федеральни программе гӀолла дӀахьош ба из болх. 2022-ча шера Президента амар денна вӀашагӀаелла программа я из. Цу юкъа вай республике тоаяьй 29 ишкол, укх шера тоае лерхӀ кхы а ялх ишкол. Вай Мехкадас лакха тӀахьожам лоаттабеш дӀахьош беркате болх ба из» - белгалдир гӀишлой министерствос.