Илдарха-Гӏалий тӀа санитарни хьал телхадерашта бехк бергба
Шолханеца бехк бар: юкъарлон эгӀазлои гӀод тохари хургда хӀанзчул тӀехьагӀа, сакхетам боацача бахархошта, Илдарха-Гӏалий тӀара санитарни хьал телхадарах. Из хоам «Сердало» газетага бир шахьара мэре.
Хӏанз, эггара «дукхагӀа нувхаш хулаш йолча моттиге», латтаргья моллагӀа хаоттам ара хиларах болх беш йола камераш, машина номераш меттел, нувхаш Ӏокхувсарий юхьмараш а хьатӀайоахаргья цар.
«Йоккха йоаца камераш ден-бус болх беш хургья 10 даькъ тӀа, дукхагӀа наха нувхаш Ӏокхувсача моттигашка: Осканаькъан урам Московски, Гӏулой, Орджоникинзе, Первомайски, Оздой, Октябрьски урамашца вӀашагӀкхетача; ДжабагӀанаькъан урам Евдощенко, Октябрьски урамашца вӀашагӀкхетача; Промыслови урам тӀа («Торгови» яхача мах бара центра, «Кавказа цӀалг» яхача кафена юхе).
Бокъонаш телхаерех бола хоам дӀакхоачийтаргба моттигерча экологе, Ӏалама тароний Министерстве, цо лерттӀа боаца бахархой тӀабехаргба жоп далара, административни гӀод а токхийташ.
Нагахьа санна из а кхоачам боацаш хуле, тха цхьаькха а да царна духьалдаккха – наьха юкъарча эгӀазлонга уж дӀабалар: нувхаш дӀакхувсараш хьатӀабаьха, цар видео сурташ доал деча даькъ тӀарча медиа гӀирсашка гӀолла гуш хургда.
Физически наха лаьрхӀа гӀод да 10-15 эзар сом (цу тайпа хӀама цхьан шера шозлагӀа даь хуле-20-30 эзар сом).
Гӏулакхерча наха 20-30 эзар сом. (шозлагӀа гучадаьлча - 40-60 эзар сом, цул совгӀа машин хьаяккха а тарлу.
Юридически наха гӀод - 30-50 эзар сом. (шозлагӀа - 60-100 эзар сом. Машин хьаяккхар).
Нагахьа санна нувхаш йоккхача машина тӀара е трактор тӀара Ӏойоассаеш яле, 70 эзар сом мугӀарерча наха, иштта 200 эзар сом юридически сага, цул совгӀа машин хьайоаккхаш», - аьлар шоаш де лерхӀар хьакхайкадеш Илдарха-Гӏалий тӀа.
