Илдарха-Гӏалий тӀа новкъостал ду, вахара хьашташцара дешаш кхоачашде
Илдарха-Гӏалан Ӏаьдало новкъостал ду бахархошта, вахаре нийсденна дешаш кхоачашде. Цу тайпара, укх деношка шахьара кулгалхочун гӀонча волча Йовлой Тимура кулгал а деш, аргӀанара вахара хьалех йолча комиссе кхетаче хилар, нах бахача моттигашка чуувтташ, цар хьал-таро йовзаш, эшача новкъостал деш, яхаш, дийцар «Сердало» газетага Илдарха-Гӏалан мэре.
Кхетачен доакъашхоша кхо дехар тӀаийцар, цу кхаь адресах новкъостал де а лаьрхӀар.
«Ши моттиг яр ахчанца новкъостал дар дехаш, арахьа дарба де дӀабаха безаш хиларах. Цхьа моттиг яр таро йоацаш, кхувш доагӀа бераш долаш йолча фусаме ахчанца новкъостал дехаш.
Белгалдаккха дезаш да, шахьара администраце эшача цу тайпарча наха гӀо делга. Цар шоаш арахьа дарба де дӀабаха безаш хилара каьхаташ хьадеча, е лазар хилара каьхат царга хилча, чоалхане хьал этта хуле, таро йоацаш биса дезал бале, цу шахьара кулгалхой цӀаккха а Ӏийнабац царна гӀо ца деш», - аьлар доал деча даькъ тӀа.
