«Ишколе даха кийчде бер» яха болам дӀабихьар Илдарха-ГӀалий тӀа
29.08.2024 09:11
«ЦаӀ йола Росси» яхача парте хьаллоацаш, мехкадас Келаматанаькъан Махьмуд-Ӏаьлас могабаь «Ишколе даха кийчде бер» яха болам ба, вай мехка дӀахьош. РФ Паччахьалкхен Думан депутат волча БӀарахой Бек-хана хьаллоацаш дӀабихьар из болам тахан Илдарха-ГӀалий тӀа. Из хоам «Сердалога» бир шахьара администрацера.
«Шахьарерча тӀема операце доакъашхой берашта мел эшаш бола кхоачам чубола тӀормигаш дийкъар. Геттара гӀоздаьнна дар бераш, из терко шоашта яь.
Шахьара дас Дидиганаькъан Ахьмада доккха баркал аьлар Мехкадаьна, иштта из болам хьал мел лаьцарашта», - дийцар тхога шахьарерча мэре.
