«Ишколе даха кийчде бер» яха болам дӀабихьар Илдарха-ГӀалий тӀа
![«Ишколе даха кийчде бер» яха болам дӀабихьар Илдарха-ГӀалий тӀа](http://serdalo.ru/storage/cp71Vp8zsEZl8ha8HsA0udeUiiTpT6RMwBomSCHB.jpg)
«ЦаӀ йола Росси» яхача парте, шахьара администраце болхлошца цхьана, «Ишколе даха кийчде» бер яха, гӀо деш бола болам дӀабихьар Илдарха-ГӀалий тӀа. 1-4-ча классашка деша долхача тӀема доакъашхой, таро хала йолча цӀагӀарча берашта эшаш мел бола кхоачам чубоалла тӀормигаш дийкъар. Из хоам «Сердалога» бир «ЦаӀ йола Росси» яхача парте зарбан болх лелабераша.
Белгалде деза, цу гӀулакхах хала боахкача, дукха бераш цӀагӀа долча наха доккха новкъостал хулилга.
«Хала боахкача наха гӀо де йиш хиларо дега боккха тоам бу. Тха керттера декхар - мугӀарерча наьха оагӀув хьаллацар. Къаьстта лоархӀаме да из, бераш ишколе долхача хана», - белгалдир цаӀ йола Росси яхача парте викал волча Амаканаькъан Хьусена.