Илдарха-Гӏалий тӀарча мах беча моттигаша болх мишта бу хьежар
23.09.2024 21:07
Боахамашта юкъера болхлой тоабанна чубоагӀаш бола шахьара администраце, йоал йоаккхача гӀулакха тӀара нах, Роспотребнадзора викалаш баха хилар Илдарха-Гӏалан доазон тӀарча шоай доалахьара хӀама дохкача даькъ тӀа, яхаш, дийцар «Сердало» газетага цигарча зарбан болх лелабераша.
«Кхоачамбоацараш дий хьежар мах тӀатохара хьакъехьа, мах бара бокъонаш телхаеш моттиг йий хьежар, йохкаш йола хӀама нийса лорайой а, иштта бокъо луш дола каьхаташ долаш дий а хайра», - аьлар Илдарха-Гӏалий тӀарча мэре.
Цига болх дӀахьош, цхьадола кхоачамбоацараш гучадаьлар.
