Илдарха-ГӀалий тӀара № 7 йолча ишкола тӀабода никъ тоабеш боахк
29.08.2024 09:13
№ 7 йолча Илдарха-ГӀалий тӀарча ишкола тӀабода никъ тоабара болх малагӀча боараме латт тахка арабаьлар шахьара да Дидиганаькъан Ахьмад, иштта администрацера кхыбола болхлой. Из хоам «Сердалога» бир мэре болхлоша.
Асфальт Ӏобуллаш, машинашта лаьрхӀа доазув тоадеш, сихбенна къахьегаш боахк болхлой. Дешара шу доладала дисараш массехк ди мара дац, бакъда, цу гӀулакха хьалхалаттача болхлочо яхачох, беррига болх йистебаьнна хургба гуйран хьалхара ди хьаотталехь.
«Массайолча моттигашка хьожаш, го баьккхар шахьара дас, къамаьл дир цу балха хьалхалаттача Ӏумаранаькъан Амираца, ишкола кулгал деча Шовхаланаькъан Асланаца, иштта шахьара бахархошца», - белгалдир Илдарха-ГӀалий тӀарча администраце.
Белгалде деза, из болх шахьара рузкъах дӀахьош болга.
