Илдарха-Гӏалий тӏа ше даьча зуламах жоп лургда гӏишлонхой хьакима
Илдарха-Гӏалий тӏа тохкаш да, ГБДОУ «Малышок яхача №2 йолча берий беша» бюджет лора ца еш, цӏенхаштта тоаяра болх дӏабахьар.
«Кагирхой, бераш» яхача къаман проекта чудоагӏаш, 2025 шера «Русь-Строй» юкъарлонца паччахьалкхен бартчӏоагӏо оттайир, Илдарха-Гӏалан №2 йола «Малышок» яха Берий беш цӏенхаштта тоаергйолаш. Цун мах бар 32 млн сом, из болх 2025 шера маьцхали бетта чакхбаккха безаш бар. Каьхаташ тӏа яхачох, деша даха ха йоацача берий моттиг бӏарчча тоаяь яьннай, цудухьа заказчика цох боагӏаш бола мах дӏабеннаб. Бакъда тӏахьожама болх дӏахьош гучадаьлар, уж балхаш даь даланза хилар. Цул совгӏа, гӏишло тӏера тоаярах бола мах 375 эзар сом дукхагӏа оттабаьб.
Шахьара прокурора гӏулакх дӏадахьийтар тохкама болхлошка, цар яьча чаккхено, гӏишлонхой керттерча кулгалхочун духьала уголовни гӏулакх хьадийллар РФ УК 3 д. 159 ст. (балха хьал юкъедоаккхаш зулам дарах).
