Илдарха-Гӏалий тӏа кагирхой ӏомабу харцахьарча хӏаманна духьаллатта
Илдарха-Гӏалий тӏа болх дӏахьош ба, кхувш йоагӏа тӏехье, кагирхой воча хӏаманна духьалъотта ховш хилара хьехамаш деш. Аргӏанара цу тайпара болх дӏахьош кхетаче хилар №2 йолча юкъарча дешара ишколе. Цига дакъа лаьцар моттигерча администраце болхлоша, депутаташа, юкъарлон, кагирхой боламий, иштта ПДН ОМВД викалаша.
«Сердало» газетага Илдарха-гӏалан администраце ма аллара, эксперташа дийцар дешархошца во наькъаш леладарах, шоайла довнаш дахарах, къизалах хьадоалача зуламех.
Ондаргашта хьалхадаьккхар мишта юхатоха деза вӏаший даьнна довнаш, къовсамаш, дорха хилар, Интернете мишта хила веза.
Къаьстта терко тӏаяхийтар гаьна болаш деча зуламашта, вахара бувзамашка леладеш дола унзара гӏулакхаш довзаш хилара, иштта экстремизмаца, терроризмаца дувзаденна во наькъаш хьаллоацараш бехктокхаме озаш хиларах.
