ГӀалгӀай къаман
юкъара газет

Новости


Илдарха-Гӏалий тӏа бокъонаш лораераша наркотикаш гучаяьхар

Илдарха-Гӏалий тӏа бокъонаш лораераша наркотикаш гучаяьхар

Цхьана болх дӏахьош, полице ха дара тоабо, вневедомственни хаьхоша «ВАЗ- 2114» автомобиль соцайир. Машина законах йоагӏаш йола регистраци яь яцар. Цун водитель вар 47 шу даьнна моттигера вахархо, тӏахьежача а гуш дар из наркотикаш вохаваь хилар. Из саг хьалхагӏа а наркотикашца дувзаденна   зулам дарах уголовни бехктокхаме эзавар.

«Из дӏавигар Илдарха-Гӏалий тӏагӏолла йолча Илдарха-Гӏалан Россе МВД даькъ тIа. Чухьежачул тӏехьагӏа, цун куртка кисара 19 пакет наркотикаш корайир. Цул совгӏа, тӏаювхача хаче аьрда киса цхьаькха  каьхата хьоарчам боаллар, из молхашта тара бар. Цунгара хьаяьха хӏамаш дӏаяхьийтар Гӏалгӏайчен МВД экспертно-криминалистически центре, цига чӏоагӏдир уж «мефедрон» яха 172,8 грамм  наркотикаш хилар», - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.

Бокъонаш толхаяьр чувеллар Илдарха-Галий тӏагӏолла йолча шахьара полице, цунна духьала уголовни гӏулакх хьадийллар наркотикаш лелаеш хиларах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх