Шахьарерча къамий викалашца кхетаче хилар Илдарха-Гӏалий тӏа
Шахьаре дахаш долча къамий викалашца кхетаче дӏаяхьа гулбелар Илдарха-Гӏалий тӏа. Россе къамаш цхьанкхетара Шера хетадаь дар из гӏулакх. «Сердалога» из хоам бир шахьара мэре.
«Тахан шахьаре бахаш ба нохчий, эрсий, гуржий, гӏуозлой, эрмалой, селий, жугтий къамех бола нах. Хӏара оагӏонцара викалаш бар цига гулбенна. Кхетаче дийцар вӏаший бувзам болаш, барт лорабеш бахарах, СВО доакъашхой, цар дезалаш хьаллоацаш цхьана болх лоаттабарах, иштта шахьарерча кхоачамбоацарех а дийцар цига.
Къамашта юкъера барт чӏоагӏбара тӏехьа укх шера шахьаре дӏайихьача кхетаченех хьоахадир гулбеннараша. Белгалдир, шахьаре дахаш долча къамашта юкъе гоамал йоссаргйола хӏама чакхдалийта йиш йоацилга», - йоах тхога бенача хоамо.
Массане цхьана болх дӏахьош, тоаде дезарех да цу оагӏонца дувзаденнараш. Тайп-тайпарча къамий нах бахача шахьаре массахана фийла волаш, цхьоагӏо хилийтара тӏехьа къахьегаш хила веза. Кхетаче йистейоалача хана, гулбеннарашта шахьара даьгара Дидиганаькъан Ахьмадагара совгӏаташ делар.
