«БАРС» вӏашагӏйоллара болх дӏахьош ба тахан Илдарха-Гӏалий тӏа
Шахьара даь гӏонча волча Джандиганаькъан Азраило тайп-тайпарча оагӏонашцарча болхлошца кхетаче дӏайихьар.
«БАРС» даькъа («Мехка тӏема эскара кхоачам») шоай лоӏаме болаш юкъебаха ловраш вӏашагӏтохаш, болх ба дӏаболабеш. Шоай тоабашта юкъе цох лаьца дувцаш, болх дӏабахьа безилга хьалхадаьккхар кулгалхошта. Белгалде деза, цу тоабан юкъе ва аьнна балхара дӏавала ца везилга. Цо декхараш кхоачашдеча юкъа, цун моттиг йолаш хургья.
«Россе герзашцарча низий Министерствоца ялх бетта чӏоагӏо оттаю юкъеваха ловчо. Федеральни, моттигерча оагӏонца ахча лу цу наха, иштта цкъа луш дола пособи а да цу юкъе, ха дарах кхы а ахча тӏакхет. Тоабан декхарашта юкъе геттара лоархӏаме йола моттигаш лораяр, БПЛА духьале яр, иштта ӏаьдала болхлошта бокъонаш лораяйтара тӏехьа гӏо деш хилар. Тӏема комиссариате тахка йиш я моллагӏа цу оагӏонцара хӏама», - дийцар «Сердалога» Илдарха-Гӏалий тӏарча администраце.
«БАРС» моттигерча оагӏонцара бӏухой шоай доазон тӏа, Россе миӏингашкарча моттигашка декхараш дӏахьош ба. Къаьстта боккха болх бе беза дӏа-юха лелача тӏема тоабашца болаш, дронашта духьале лоаттаеш.
