«Гӏалгӏай ӏадатий йӏовхал» яха кхоллама наьха базар хургья Илдарха-Гӏалий тӏа
«Гӏалгӏай ӏадатий йӏовхал» яха суртанчий, дизайнерий базар дӏаяхьа лерхӏ шахьаре, хьатӏадоагӏача шоатта дийнахьа. Вай мехкарча тайп-тайпара хӏама шоай кулгашца хьаерий балхаш довзийтаргда цига.
«Пхьарий балхий Академи Gorsmӏd» яхача гойтаме-базар тӏа шоай цӏагӏа лелае, иштта марха дастара лаьрхӏа, мархий цӏай долча дийнахьа сага совгӏата яла хӏамаш эца аьттув хургба бахархой.
«Сити Центр» яхача моттига доазон тӏа ӏуйран 10 сахьат даьлча дӏайолаенна сайрахьа бархӏ даллалца латтаргья базар», - дийцар тха газетага кагирхой кхетачен Цӏен болхлоша. «Гӏалгӏай Арт» яхача оагӏоно боаржабеш ба из болх «Роскагирхой. Гранаш» яхача моттиго, иштта Магасерча кагирхой моттиго хьаллоацаш.
«Ший культура езар, лархӏар хьагойташ, къахьегаш долча кулгий йӏовхал белгалъеш йола кхетаче хургья цох. Хьадувла цига шоай дезалашца вай пхьарий оагӏув хьаллаца, цар говза балхаш довза», - аьлар цу кхетачен хьалха латтача Байц Халиса.
