Дешархой воча гӏулакхех лорабара тӏехьа, кхетаченаш дӏакхухьаш ба Илдарха-Гӏалий тӏа
Дешархой зуламе долча гӏулакхашта юстара хургболаш, къахьегаш ба тахан Илдарха-Гӏалий тӏа. Шахьарерча №7 йолча ишколе кхетаче дӏахьош хилар къонабарашца.
«Лоравала везача, цхьаккха тайпара хьаллаца йиш йоацача, бӏехача гӏулакхех дувца гулбелар шахьара администрацера, моттигера бокъонаш лораераш, кагирхой оагӏон, иштта барайтта шерга кхачанза барий гӏулакхех болча МВД оагӏон болхлой. Дешархошка дийцар моллагӏча воча гӏулакха юкъеахар бехктокхаме озаш хӏама долга, харцача наькъ тӏа баьнна, тувлабенна леларашка ладувгӏа, цхьаккха бувзам лелабе йиш йоацилга», - йоах «Сердалога» шахьара администрацера кхаьчача хоамо.
Къаьстта терко еш дийцар къонабарашка интернета оагӏонашка лоравала везилгах, психологически оагӏонца къонабарашта низ бераш шоай бӏеха болх интернете гӏолла дӏахьош болгах. Моллагӏа тешаме доаца хӏама хоаделча ӏаьдала болхлошка хоам бе безилга хьалхадаьккхар дешархошта.
