Кагирхой эскаре тӏабехара гӏулакха терко лоаттаю Илдарха-Гӏалий тӏа
09.04.2026 09:54
Кагирхой эскаре тӏабехара гӏулакха лакха терко лоаттаеш ба Илдарха-Гӏалий тӏа. Цох лаьца дийцар мэре аргӏанарча кхетаче.
«Цига гулбенна хилар шахьара администраце кулгал ду Дидиганаькъан Ахьмад, Шолжа кхален тӏема комиссариата болхлой, шахьарерча тӏема-дӏаязбара моттига, ГОВД къахьегамхой. Кхетаче белгалдир кагирхошца хан-ханнахьа цу оагӏонцара болх лоаттабе безилга. Иштта гулбеннараша хьоахадир, эскаре баха ха кхаьча, бакъда из дӏатӏаэцаш боацараш болча цӏеннагӏа чуувтташ цар даьшца, ноаношца болх лелабар лоархӏаме долга», - йоах тхога бенача хоамо.
