Илдарха-Гӏалий тӏарча могашал меттаоттаеча моттиге, унахошка хьожаш ба
Шахьарерча дарбанчен дегӏа могашал меттаоттаярах долча даькъа унахошта терко лоаттаеш ба «Даьхен лорабой» яхача ганза болхлой. Тӏема операце доакъашхой хьал миштад тохкаш хилар уж.
«Украинерча тӏема операце бӏухошта, ветеранашта цига малагӏа тайпара гӏулакх лоаттаду, малагӏа программаш я тохкаш хилар ганза болхлой. Тӏемахошта психологически оагӏонцара, иштта лорий дарба лакхача боараме лоаттаде дезилга белгалдир цар. Лорашца, психологашца, цига ха йоаккхаш болча бӏухошца, къамаьл хилар ганза доакъашхой. Тӏема моттигерча ветеранаша, чӏоагӏа раьза болаш, къамаьл дир, белгалдир боаггӏача боараме терко шоашта еш хилар», - дийцар тхога ганза болхлоша.
«Вай бӏухошта моллагӏа дола новкъостал боаггӏача боараме хилийтар эггара керттерча декхарех да тха балхаца. Цига дегӏа могашал меттаоттаерашта шоашта гуш да из», - аьлар «Даьхен лорабой» яхача ганза болхлочо Темирханаькъан ӏийсас.
