СВО ветеранаш юкъе болаш, денала урок дӏайихьар, Илдарха-Гӏалий тӏарча № 3 йолча ишколе
Илдарха-Гӏалий тӏарча № 3 йолча ишколе, тӏема операце доакъашхой бийха, кхетаче хилар. «Даьхен лорабой» яхача ганза мехкарча филиала болхлоша денала урок кийчъяьяр берашта лаьрхӏа. Керттера спикераш бӏухой шоаш бар, иштта филиала болхлой Темарханаькъан ӏийса, Чиймарзанаькъан Марем бар цига дакъа лоацаш.
«Тӏема аренашка шоашта нийсденнарех дийцар бӏухоша дешархошта, иштта тӏема моттигашка декхараш кхоачашдеш латташ хотталуча доттагӏалах, вӏаший оагӏув хьаллоацаш, тӏаотташ хиларах. Даьхенах дог лазаш, цун гӏулакха ураотта кийча волча сага дегӏаца малагӏа оамалаш хила еза белгалдир бӏухоша.
Белгалде деза, иштта йолча кхетаченаша къонача тӏехьен боккха пайда белга, дукха хӏама довзийтилга. Тӏема декхарех, вахарерча гӏулакхех лаьца дукха хаттараш дар къонабарий. Тӏема операце доакъашхоех беза хьаьший бир ишколе, царца бувзам лелабар лоархӏаме да тахан ишкола», - дийцар «Сердалога» «Даьхен лорабой» яхача ганза мехкарча филиале. Турпалашца юхьдухьала ӏохайша къамаьл де йиш хилар, лоархӏаме да тахан вай къонача тӏехьенна, цудухьа ганза филиала болхлоша йоккха терко лоаттаю цу гӏулакха.
