Мехкарча кхоллама колледже дин-эздела гӏулакхех дийцар
Кагирхошта юкъе во оамалаш, зуламаш ца даржийтара духьалара кхетаче дӏайихьар вай мехкарча кхолламах йолча Паччахьалкхен колледже. Цига баьхкабар Шолжа-Шахьарера имам-наиб Дзугайнаькъан Мухьмад, дийша саг Чигинаькъан Мухьмад. Терроризм, экстремизм яхача зулама никъ хоадабарах, из цадаржийтарах дийцар кагирхошка. Динах боахкараша къонача тӏехьен хьалхадаьккхар, цу бӏехача гӏулакхах хьокхавеннар ше ший ираз доадаь саг волга.
«Кагирхошта ха дезаш дола лоархӏамедараш дар дийшача наха белгалдаьраш. Наха зуламе хилар бусалба дино чӏоагӏа харцахьа лоархӏаш хӏама да, нах ӏазапе, халача йистон тӏа увттабар бекхам боацаш, кхел ца еш вусаргвац. Моллагӏча моттиге чӏоагӏа лоралуш, интернета оагӏонашка гӏолла къаьстта къонабарий сакхетам тувлбе, воча хӏаман юкъе уж чуоза гӏертарашца бувзам лелабе, цхьаккха тайпара а цар яхар хьаллаца йиш йоацилга белгалдир кхетаче», - яхаш хоам бу «Сердалога» цу моттигера.
Шеввар раьза волаш, пайда беш кхетаче хилар цох. Къонабарий хаттараш доашхаш къамаьл дир боккхийчар. Иштта кагирхошта хьехам лоаттабеш, уж воча хӏамах лорабара тӏехьа къахьегар чӏоагӏа лоархӏаме да тахан.
