Мехкарча кхолламех йолча колледже, байтанчах Хьоашаланаькъан ӏаьлах дийцар
Мехка цӏихеза хиннача байтанчах Хьоашаланаькъан ӏаьлах, цун кхолламах дош ала гулбелар тахан паччахьалкхен кхолламий колледже. Гӏалгӏай метта, литературан Шу хьаллоацаш кийчбаь болх бар из цу колледжа библиотекарь йолча Мейренаькъан Марета.
«Хьоашаланаькъан ӏаьлий кхоллама наькъах дийцар гулбеннараша. Вайна массанена хов, цун байташ ший тайпара чулоацам болаш, моллагӏчун дог тохадолийташ йолга. Таханара къонабараш къаман йоазонхой балхаш лархӏара, довзара тӏахьеха беза вай.
Гӏалгӏай мотт мел кӏоарга, бӏаьхий ба, ший меттаца оалача тайпара моллагӏа хӏама цхьаккха а кхыча меттаца оалалургдоацилгах дувца деза вай къонабарашка», - дийцар «Сердалога» колледже.
Студентий дог ураоттадеш, гойтам хилар цох. Къаман литературе шийна тӏехьа йӏаьхий, сийрда лар йитача Хьоашаланаькъан ӏаьлах ала, дувца тахан дукха да.
