Кхолламах йолча колледже терроризма духьале лоаттаярах дийцар
Мехкарча кхолламах йолча паччахьалкхен колледже, терроризм яхача зулама духьала къовсам лоаттабарах дийцар. «Терроризм - эггара доккхагӏа дола адамашта юкъера во» яхача урока тӏа гулбеннача студенташца дийцар цу бӏехача гӏулакха духьале лоаттаярах. Колледже хьехаш йола Чопанаькъан Мадина яр кхетаче вӏашагӏъеллар.
«Студенташта хьехархочо дийцар терроризма духьала массане цхьана болх лоаттабе безилга, къаьстта йоккха терко еш дийцар интернета оагӏонашка гӏолла из зулам доаржаде, кагирхой тувлбе гӏертарашца цхьаккха тайпара бувзам лоаттабе йиш цахиларах, моллагӏа тешаме ца хета хӏама зийча, ӏаьдалга хоам бе безилгах. Цу бӏехача гӏулакхах хьокхавеннар, ший ираз ше доадаь саг волга белгалдир кхетаче», - дийцар «Сердлога» колледже.
Иштта йола кхетаченаш къонабарашта юкъе дӏакхахьар чӏоагӏа лоархӏаме да. Кхувш латтачар сакхетам лорабе безаш да вай, царна нийса никъ бовзийташ, дагадоацача зуламех уж лорабеш. Хьехархоша белгалдечох, дешара е кхоллама моттигашка гӏолла болх лоаттабар чӏоагӏа лоархӏаме да.
