Полице колледже СВО ветеранашца денала урок дӏайихьар
«Даьхен лорабой» яхача ганза мехкарча филиала болхлоша Куркъанаькъан Мухьмада, Султиганаькъан Ибрахӏима Даькъастен полице колледже денала урок дӏайихьар. Кхетаче дакъа лоацаш бар СВО доакъашхой Маларой Ахьмад, Саккхаланаькъан Муса. Кхоана ӏаьдала болхлой хинна мехкара кхерамзле лорае дӏаотта безача къонабарашта, лоархӏамедараш хьалхадоахаш, кхетаче хилар цох.
«Тӏема аренашка декхараш кхоачашдеш лаьттача ветеранаша къонабарашта дийцар бӏухошта юкъерча доттагӏалах, вахара наькъ тӏа эггара чӏоагӏагӏа терко е езарех. Полице болхлой хила кийчлуш болча кагирхой дукха хаттараш дар, хӏаьта ветеранаша царгара хӏара хаттар доашхаш болх дӏабихьар. «Даьхен лорабой» яхача ганза вай мехкарча филиала болхлоша цига дийцар тахан шоаша дӏахьоча балхах, шоай гӏулакхашцарча керттерчарех», - йоах «Сердалога» цу моттигера кхаьчача хоамо.
Денала Урокаш къонабарашца дӏакхахьар тахан дикка пайда беш да ала деза, хӏана аьлча дунен хӏама довза кхенза болча къонабарашта лоархӏаме да уж хӏамаш. Хӏаьта вай мехкарча тайп-тайпарча дешара моттигашка Даьхен лорабой» яхача ганза филиала болхлоша тахан тӏатеӏӏа дӏахьош болх ба из.
