Вай хьунашка оакхарашта кӀийле яь 3 моттиг дӀаяьккхар
22.07.2024 20:03
ГӀалгӀайчен Ӏалама Министерствон паччахьалкхен тӀахьожам лоаттабара болхлой, чарахьал дара даькъ тӀа бокъонаш лорайой хьожаш хилар. Из дӀахьош, царна гучадаьлар Шолжа кхален ГӀажарий-Юрта йисте уллача хьун даькъ тӀа кхаьннахьа кӀийле е моттигаш кийчъяь хилар, яхаш, дийцар «Сердало» газетага ГӀалгӀай республикан Ӏалама Министерствос.
КъайлагӀа моттигаш кийчъяьяр хьун оакхарий доаде лаьрхӀа, уж гаьнаш тӀа яр.
«Цу тайпара хьун Ӏалама доккха зе ду. Цудухьа оаха юха а белгалду, цу тайпарча гӀулакхах уголовни бехктокхаме озаш хилар. Тха низ а таро а хургья уж нах юхатоха», - аьлар Ӏалам лорадераша.
