Хьунашка ший тайпара даар а, тух а, хий а лоаттадеш йола моттигаш я, цига оакхарашка хьажа безам бараш шоашца даар дахьаш хьабоагӀа, ара йӀайха йолча хана, царна хий а лоаттаду. Уж моттигаш иштта оакхарашта а дика йовз, цудухьа уж тӀадоагӀа цига, шоашта даар лохаш. АргӀанара цу тайпара болх дӀабихьар Шолжа кхален хьунагӀа, яхаш, дийцар «Сердало» газетага тӀахьожам лоаттабераша.

«Хьун цхьадолча доакъошка ялат а тух а диллар, хьайбаш могаш хургдолаш, уж довргдоацаш», - аьлар хоамо.