Хьун хьайбашта ялат диллара болх дIахо дIахьош ба
28.10.2025 09:57
Гуйран-Ӏан ха хьаэттача, шоаш доал деча хьайбашка хьажара бола чарахьий даькъ тӀара болх дӀаболалу, царна шийлача хана даар эшаш хилар кхета а деш. Хьайбашта новкъостала тайп-тайпарча моттигашка даарий яьшкаш оттаяьй хьунагӀа. Цу тайпара Шолжа кхален чарахьаша кӀа, тух чудолаш царна лаьрхӀа белггаларча моттигашка даар Ӏодиллад. Из цар боккхача безамца дир: «АллахӀа Ший духьа. Хьаьнала хилда», - яхача дешашца.
Цу тайпара чарахьаш бахар Шолжа хьун №9 йолча наькъ тӀа, бархӀ «столове» даар Ӏодиллар. Иштта ду массаза шоай аргӀагIа, дего къоабалдеш.
