Магаса лицее белгалдир Дунен унахцӀенон ди
09.04.2025 14:40
Магаса лицея йоккхагӀча классай дешархошца кхетаче дӀайихьар, Дунен могашала денна хетаяь кхаь моттигерча викалаша: шахьара админитстраце, кхувш боагӀарий гӀулакхех долча МВД даькъо, лорий профилактикан Центро, яяхаш, хоам бу «Сердало» газетага Магаса мэре зарбан болх лелабераша.
Дешархошта хьаьшаша дийцар наркотикех хьадоалача зуламех, цар сага могашал йоаеш хиларах, иштта цига белгалдир кхыдола корта бохабу малараш, энергетикаш, никотин йоалла молхаш лелаяр мел зене да сага могашала.
«Къаьстта терко тӀаяхийтар наркотикаш лелаеш хиларца деш долча зуламех бекхтокхаме озаш хилара», - аьлар хоамо.
