Магасе безбир Гӏалгӏайчен почтан бувзама дикагӏа бола болхлой
Магас-Шахьара культуран дегӏаахара Центре безбир почтан бувзама болхлой. Цига вена хилар Гӏалгӏайчен премьер-министр Сластенин Владимир. Цо даькъалабийцар почтан болхлой балха цӏайца, цар хӏара денна дӏахьош бола болх лоархӏаме хилар белгал а дир. Цига иштта лаьрххӏа безбир республикан УФПС дикагӏа бола болхлой.
«Гӏалгӏайчен почтан даькъо хьагойт федеральни боарам тӏа дика толамаш. Магӏалбика, Наьсарен почташ дикагӏъярех лоархӏаш я 2024-2025 шерашка баьча балха тохкамах, хӏаьта № 386337 йола Ачалкхера почта Россе дикагӏа йола почта санна лоархӏаш я», - аьлар Сердало» газетага Гӏалгӏай Паччахьалкхене.
Из кхетаче дӏахьош, мехка УФПС кулгалхо Гаьгенаькъан Ислам белгалвир, Гӏалгӏай Кулгалхочун цӏерагӏа баркал оалаш. Мехкадаь кулгалхочун грамоташ елар моттигашкарча кулгалхошта, говзанчашта, мугӏарерча почта кхухьарашта.
Лакха толамаш дахарах Гӏалгӏайчен Паччахьалкхен Сийлен грамоташ, совгӏаташ делар тайп-тайпарча почташкарча викалашта.
