«Фермера ишкола» дипломаш хьаделар Магасе СВО ветеранашта
Лакха говзал йола ахархой дукхагӏа хургба вай мехка. «Фермера ишколе» Магасе дешаш хиннараша дипломаш хьаийцар. Укх наькъа дипломаш хьаийцараш СВО ветеранаш бар. Дийша баьннараш даькъалабувца гулбеннабар моттигерча министерствашкара хьакимаш, Россельхозбанка, Паччахьалкхен университета, «Даьхен лорабой» яхача ганза болхлой.
«Тахан дипломаш хьаийцараша ӏомадаьд ахархой-фермерски боахамца, рузкъа дӏа-хьа хьожадарца, кердача технологешца, баьцовгӏаш кхеярца, хьайбашта доал дарца дувзаденна гӏулакхаш, иштта шоаш йоаржае лерхӏача бизнесацара гӏулакх чӏоагӏдаьд», - дийцар «Сердалога» мехкарча Паччахьалкхене.
Паччахьалкхен дипломаш хилар, боккхача наькъ тӏа баьнна, къахьега лерхӏарашта эшаш хӏама да. Шоаш ӏомадаьр балхаца гойта аьттув ба цар хӏанз, фермерски боахамашта доал деш хиларгара дӏаболабенна кердача технологешка гӏолла доккхий хувцамаш дарга кхоачаш.
