Магасе эргаш долча берашта экскурси йир
Культуран, спорта, туризма Центро, «Дикача наьха Клуб» яхача фондаца цхьана, вӏашагӏъеллар мехкарча лаьрххӏа долча берашта йола экскурси.
Экскурси дӏайолаялар дегагӏоз йолча оагӏонцара. Говзал йолча экскурсовода Албохчанаькъан Айшас доакъашхошта йовзийтар «Маьлха шахьара» белггала йола моттигаш. Цун дувцар хетадаь дар гӏалгӏай вахара, культуран, исторена. Къаьстта йола терко тӏаяхийтар Крупнов Евгене мохк дегӏабоалабеча дакъа лацара. ӏилманхочун- кавказоведа истори лоархӏаме дакъа дар цу экскурсе наькъ тӏа.
Дӏахо уж бахар Барта гӏала йолча моттиге, из я дунен тӏа эггара лакхагӏа йолча этнографически музея цӏи лелаеш. Укхаза хьалхаяьнна лелачо довзийтар вай къаман ӏадаташ. Юххера а, берригаш цхьана хӏама юаш а хилар.
«Вай экскурси дӏахьочар довзийт къаман мах бараш, культура, ӏадаташ. Дагадоагӏаш хила деза, хӏара бер терко, безам луш хьалкхеде дезилга, юкъарлон хьал безаме хургдолаш», - аьлар Магас шахьара культуран, спорта, туризма Центра кулгалхочо Янданаькъан Абте.
