Аргӏанарча кхетаче Магасе гулбелар министраш
Хӏара кӏиранцара Паччахьалкхен хьалха латтача Сластенин Владимира кулгал деш йола аргӏанара министрашцара кхетаче дӏайихьар Магасе. Из хоам «Сердалога» бир мехкарча паччахьалкхено.
«Сластенин Владимира белгалдир, дӏадахача кӏира вай мехкадас Келаматанаькъан Махьмуд-Ӏаьлас дӏайихьача кхетаченцара дӏахо дӏахьош бола болх из болга. Республикан кулгалхочо цу хана тӏадиллар, балхацарча керттердарашта хӏара кӏира дикка терко еш, дӏабихьача балхах дар довзийташ хила, аьнна. Къаьстта йоккха терко е еза, аьнна, белгалдир; бахархошкара тӏалаттача дехарашта», - йоах тхога кхаьчача хоамо.
Кхетаче дийцар къаман проекташка, федеральни программашка гӏолла кхоачашде дезарех, бойлахьа дисача берашта чуӏе фусам ӏалашъярах, ӏохарцар кхерам болча цӏеношкара нах кхычахьа дӏачубахийтарах, ЦУРа балхах, ЖКХ оагӏонца дувзаденнарех, иштта вай Мехкадас тӏадехка декхараш кхоачашдарах. Министерствошта хьалхалаттараша шоай докладаш йийшар цига. Цар шоашта юкъера бувзамаш чӏоагӏдеш, болх дӏакхахьа безилга дийцар цига.
