Магасе белгалбир, шахьар тоаяра юкъе дакъа лоацаш бола доалахьара хӏама леладераш
Гӏалгӏайчен столице зӏамигача, юкъерча бизнеса викалашта юкъе дӏахьош йолча яхьа чаккхе йир. Доалахьара хӏама леладераш яхьебаьлар, шоаш болх беш йола моттигаш чура, тӏера тоаярца. Из яхь лоархӏаме яр Магас-Шахьара куц хувцара, из хозъяра.
«Дика дакъа лаьцар цу юкъе моттигерча тикашка, салонашка, кофейни даькъ тӏа, кхыча коммерчески гӏишлошка болх беш болча наха. Хӏара сага шийгара цхьацца дакъа юкъедера, шахьара хьал тоадара. Цар гойтар хоза куц хьакхоллара де дезар. Цу юкъе да хозал, лостам, салоӏам хилар яха хӏамаш. Цу балха чаккхе еш белгалдир, «Кап Кейк» яхача кондитерске эггара хозагӏа доазув тоадаь хилар, из иштта хоза хийттар бахархошта а столица хьаьшашта а.
«Сапаргӏата цӏа» яха тика белгалйир ший цӏерага хьежжа хоза куц, чура лостам болаш хиларах; хӏаьта берий барзкъан «Дезала» тико кхелахой гӏадбигар берий ӏаьдалагӏа кийчдаьча ковно.
Котбаьннараш Магаса администраце кулгалхочун цӏерагӏа даькъалабийцар цун гӏончаша Мутаӏаланаькъан Ислама, Заьзганаькъан Маккас. Цар белгалдаьккхар, шахьара кулгалхоша цу тайпара деча балхашта лакха мах оттабеш хилар. Массанена доаггӏаш дола совгӏаташ делар.
