Гурахьа хила дезача хоржамашка, фельдъегерий оагIонца кийча хиларах дийцар Магасе
Фельдъегерий оагIон болхлошца паччахьалкхен бувзамца дувзаденнарех дийцар вай Мехкадас. Цу кхетаче дакъа лоацаш хилар Къилбаседа Кавказа Россе ГФС оагIон кулгалхо Аддриенко Андрей, республикера керттера федеральни инспектор Гудов Залим, Магасерча цу оагIонцарча моттига кулгалхо. Республикерча цу гIулакхех йолча моттига балхах, балхацара каьхаташ боаггIача боараме лорадеш дIа-хьа кхахьарах, дийцар кхетаче.
Къаьстта терко еш дийцар цига, гурахьа хоржамаш хиларга хьежжа балха тIа геттара фийла хила безилгах. Вай мехкадас Келаматанаькъан Махьмуд-Ӏаьлас белгалдир, иштта ха латтача хана федеральни моттига, республикерча хьакимашта юкъера бувзам геттара чIоагIбе безилга. ЛаьрххIа оттабаьча болхлоша къахьегаргда моттигашта юкъера бувзам лорабеш, кхерамзлен оагIонца дувзаденнарашта терко еш.
Вай мехка цу оагIоно ший декхараш боаггIача боараме лораду, цунга хьежжа моттигера кулгалхой дог тийша ба, хоржамаш латтача хана, паччахьалкхен деррига гIулакхаш лерттIа тIахьожам беш хургхиларах.
