Магасе хьабийллар «Лакхарча ишкола дошо цӏераш» яха сийлен оагӏув
Магасе «Академически юкъарло» яхача лакхарча дешара хьехархой Ерригроссийски сесси йолаш, хьабийллар «Лакхарча ишкола дошо цӏераш» яхача Ерригроссийски конкурсе котбаьннарий цӏераш тӏайола оагӏув (пен). Хьабеллара оаса хоадабеш хилар лакхарча ишкола хьехархой Лиган кхела кулгалхо Ляпунцова Елена, иштта Гӏалгӏай паччахьалкхен университета ректор Ӏалбаканаькъан Фатима.
«Экспозице гойташ я Лиган моттигерча даькъо, из хетаяь я лакхара дешар дегӏадоаладара лоархӏаме дакъа юкъедихьача хьехархошта. Сийлен пен - из да профессиональни толамаш тӏаэцар, хьехархой говзала ӏадаташ лорадар, иштта мехка академически юкъарло дегӏайоалаеча дакъа лоацаш хилар», - аьлар «Сердало» газетага ИнгГУ зарбан болх лелабераша.
«Лакхарча ишкола хьехархой Лига» юкъарча мехкашта юкъерча цхьанкхетаро баркал оал Гӏалгӏай паччахьалкхен университета ректора, тахан массайолча оагӏорахьа цо дакъа лоацаш хилар лоархӏаме долга белгал а деш.
