Магасе довзийтар «Боккъалъяр» яха фильм
ГӏалгӀайчен Магасе йовзийтар «Боккъалъяр» яха Ерригроссийски этнографически хьалхара проект, яхаш, дийцар «Сердало» газетага из болх вӀашагӀбеллараша.
«Из кино гойтаро дукхача наьха безам тӀаэзар: студентий, дешархой - Россе къамий культура, Ӏадаташ Ӏомадара. Из дагадехараш бар «Культуран волонтёраш» яхача Ерригроссийски юкъарлон болама ГӏалгӀайчера викалаш.
Проекта хьалхара сери хетаяь яр мордоверча кхалсага, цо хьаделлар мокши, эрзи къамий вахарера лоархӏамедараш. Хьожаш хиннарашта байра берагара воккхачунга кхаччалца бола никъ, цига къаьстта йола моттиг дӀалоацаш яр дезалера еза моттигаш, мотт, культуран оагӀув», - аьлар хоамо.
«Из гойтар лоархӀаме дар къаман Ӏадат, культуран мотт лорабара, цига белгалдир, къаьстта ше хьаваьнна овла лоархӀаш хиларо беррига нах вӀашагӀтохаш хилар», - аьлар «Культуран волонтёраш» яхача ВОД кулгалхочо Малсаганаькъан Мухьаммада.
