ГӀалгӀай къаман
юкъара газет

Новости


Вахара оагӏонцара гӏо лоаттадарах йола кхетаче дӏайихьар Магасе

Вахара оагӏонцара гӏо лоаттадарах йола кхетаче дӏайихьар Магасе

Вахара оагӏонцара гӏо лоаттадарах йола кхетаче дӏахьош, бахархой тӏаийбеш хилар «Цаӏ йолча Россе» республикерча моттиге.

РФ сенатор, парте вай мехкарча оагӏон секретарь волча Илезанаькъан Микаила белгалдечох, цига дийцар цу оагӏонцарча  бокъонга хьежжа бахархой гӏулакх леладарах. Къаьстта терко еш хилар хало долча, федеральни оагӏонца къоастаде дезача дехарашта.

Иштта цу кхетаче дийцар кхыдолча лоархӏамедарех – дешара оагӏонцара болх боаггӏача боараме тоабарах. Цу дийнахьа хьатӏабаьхкача бахархоша белгалдаь мел дола кхоачамбоацараш меттадоаладе хьожаш, лакха терко еш, къахьега лерхӏ партийцаша.

Белгалде деза, тахан вай мехкада Келаматанаькъан Махьмуд-Ӏаьла бахархой вахарерча кхоачамбоацарашта  терко лоаттаеш, деррига боаггӏача боараме тоадара тӏехьа кхоачашде дезараш хьалхадоахаш волга. Мехка хьалхалаттараша иштта лакха терко еш хиларах, дукха халача даьнна кхоачамбоацараш тоаде аьттув хул тахан.

«Министертвошца, иштта цу оагӏонцарча кхыйолча моттигашца дӏахо дӏабахьа лерхӏ оаха из болх. Наха тӏадена цхьаккха дехар терко йоацаш дутаргдац. Бахархошта къувлаш дола кхоачамбоацараш юстардахар, цар хьал аттачахьа даккхар да тха балхацара керттера декхар», - аьлар Илезанаькъан Микаила.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх