Магасе дӀадихьар лакхача технологей, технопредпринимателий кӏира
Республикански «Кванториум» яхача берий технопарке дӀадихьар лакхача технологей, иштта технопредпринимателий кӏира, яхаш, хоам бу «Сердало» газетага дешара моттига администраце.
«Хьинара, дикала» урок дӀаяхьаро новкъостал дир берашта довзийта Ӏалама хьинарах электричество мишта хул, хӀаьта профессионалий хьинарах - дикача гӀулакхий хьинар. «Хьакъалеча технологей дуне» яхача даькъах дешархошта довзийтар искусственни хьаькъала дуне. Ловзара кеп дӀаяхьаро таро елар царна шоашта фу хов хьажа, иштта тоабашца цхьана хила. «Хьаькъала говзал» яхача ловзарца бераша Ӏомадир ИИ, цун технологеш, из юкъеяккхарах хьабоала пайда», - аьлар хоамо.
Белгалду, лакхача технологей, предпринимателий кӏира дӀахьош хилара бахьан да дешархошта, хьехархошта дезадалийтар керда материалаш лелаеш искусственни хьаькъал юкъедоаккхаш, энергетика, космос, лорал, фармацевтика, биотехнологеш Ӏомаеш долча даькъ тӀара хьал.
