«Культуран тӏехьале» яхача 3D-балхах йола чемпионат дӏахьоргья Магасе
«Культуран тӏехьале» яха 3D-балхах йола чемпионат дӏахьоргья «Кванториум» яхача берий технопарке. Из хоам «Сердалога» бир цу моттигерча администратора Налганаькъан Мадинас.
«12-17 шераш даьннача дешархоша Blender программацара шоай говзал гойтаргья цига. 3D оагӏонцара болх дӏабахьара тӏехьа лакха начӏал дола бераш гучадоахаш йола кхетаче, укх бетта 26-ча дийнахьа дӏаяхьа лерхӏ. Кагирхой тайп-тайпарча кхоллама оагӏонашцара, иштта кхыдолча гӏулакхашцара кхетама хьал гойташ хургья из кхетаче», - дийцар тха газетага цу моттиге.
Чемпионата чулоацамца да цхьацца куцала леладу хӏамаш, къаман ӏадаташцара гӏирс, вахаре лелаеш йола хӏамаш, герз, гӏалаш, иштта кхыдола вай культураца дувзаденнараш. Шин сахьата Blender программаца болх вӏашагӏболла беза кагирхой. Кийча долча балхех, тӏехьара тӏа гӏо деча программа даькъах, иштта кхыдолча кийчдаь латтарех пайда эца йиш яц.
