ЦӀий дӀадалара хетаяь кхетаче хилар Магасе
Даьла духьа аьнна нигат даь, унахошта лаьрхӀа цӀий, тӀехка чура тӀум дӀачутелара хетаяь кхетаче дӀайихьар кагирхой политикахи туризмахи йолча Министерстве. Цу беркатеча гӀулакха хьалхаэттар - гӀо деш йола ганз «Дикача наьха клуб». Мехка дӀахьош мел долча цу оагӀонцарча боламашта хьалхалатташ хьабоагӀа клуба доакъашхой.
Кхетаче дакъа лоацаш бар цӀий дӀачуийдеча станцера къахьегамхой, юкъара моттигаш, массахана цӀий дӀачутелаш хьабоагӀараш, лораш, иштта кхыйолча моттигашкара болхлой.
Гулбеннараша дийцар вай мехка из беркате гӀулакх доаржадарах, ма хулла дукхагӀа нах цу маьл хургболча гӀулакха тӀахьехарах. Иштта хьоахадир из гӀулакх тохкаш дӀабихьача балхах.
ЦӀий, тӀехка чура тӀум дӀачутелаш дола гӀулакх дерригача дунен тӀа доаржаде дезилгах, соцам бир цхьан истола гонахьа гулбеннараша.
