ИРО «Цаӏ йолча Россе» XXXVӏӏ конференце ӏӏӏ оагӏонцара болх дӏаболабир Магасе
Ерригача Россе политически парте «Цаӏ йолча Россе» Гӏалгӏай республикан моттига XXXVӏӏ конференце ӏӏӏ оагӏонцара болх дӏаболабеш, кхетаче хилар Магасе. Партийни йоккхача кхетаче гулбелар тайп-тайпарча моттигашкара болхлой, федеральни парламентера доакъашхой, моттигерча оагӏон делегаташ.
«Кхетаче дакъа лоацаш бар парте ИРО секретарь Илезанаькъан Микаил, мехкадаь, Паччахьалкхен Администраце кулгалхо Мархенаькъан Анзор, Халкъа Гуллама хьалха латта Тӏумхой Мухьмад,сенатор вола Хамченаькъан Белан, Паччахьалкхен Думан депутат Татренаькъан Муслим, иштта Республикерча Халкъа Гуллама депутаташ хила ловш бола кандидаташ.
Гулбеннараша дийцар, хила дезача хоржамий программах, цу оагӏонцарча керттерчарех», - аьлар «Сердалога» «Цаӏ йолча Россе» зарбан болх лелабераша.
Конференце беррига болх хоржамий гӏулакхашца, дӏахойодача хана республике теркалде дезача керттердарашца бувзабенна бар. Цар чулаьцар дешара, унахцӏенон, бахархошта гӏо лоаттадара оагӏонашца дувзаденнараш.
